Lykilorð Donkey

Þegar græni risinn Shrek kemst að því að fenjasvæðið hans er orðið yfirfullt af einhverjum ævintýrapersónum, sem hinn slóttugi Farquaad lávarður ber ábyrgð á, þá fer Shrek af stað með háværan asna sér við hlið til að sannfæra Farquaad lávörð um að láta sig fá fenin sín aftur. Í staðinn verður til samningur. Farquaad, sem vill verða konungur, sendir Shrek til að bjarga Fiona prinsessu, sem bíður eftir hinum eina og sanna draumaprinsi í turni sínum, sem eldspúandi drekar vernda. En þegar þeir snúa aftur með Fiana með sér, þá er hinn ólögulegi risi, Shrek, ekki einungis orðinn ástfanginn af hinni fögru prinsessu, heldur býr Fiona yfir stóru leyndarmáli.

Segir ævintýrið um Gosa frá trésmið nokkrum sem rekur trésmíðaverkstæði í borginni. Trésmiðurinn, sem er orðinn aldraður, er að smíða strengjabrúðu sem hann kallar Gosa. Engisprettan Tumi, sem heillast af brúðunni, óskar sér þess að Gosi geti hreyft sig og talað eins og alvöru manneskja. Fyrir töfra Álfadísarinnar verður honum að ósk sinni, en í staðinn þarf hann að sinna hlutverki samvisku hans Gosa, svo hann læri muninn á réttu og röngu. Ef hann lýgur lengist á honum nefið, þannig að allir taki eftir því. Gosa finnst spennandi að vera alvöru strákur en þegar hann ætlar að mæta í skólann í fyrsta sinn er honum rænt og hann lokaður inni í stóru fuglabúri. Á hann að syngja og dansa í brúðuleikhúsi og skapa fangara sínum miklar tekjur. Nær hann að sleppa og verða alvöru drengur?

Eins og svo oft áður rekur löngun Bangsímons hann til að næla sér í dálítið hunang frá býflugunum sem eru alls ekki á því að láta það af hendi möglunarlaust. Bangsímon þarf því að flýja eins og fætur toga, ekki í fyrsta skipti og alls ekki það síðasta. Seinna misskilur Bangsímon bréf frá Robin og sannfærist um að honum hafi verið rænt af einhverjum sem kallar sig “Kembráðum Aftur”. Til að bjarga Robin safnar Bangsímon öllum vinum sínum saman og það er ákveðið að frelsa drenginn áður en það verður um seinan. Á meðan á Eyrnaslapi í hinni verstu krísu því hann vantar nýjan hala. Af þessum sökum er hann einstaklega niðurdreginn en samt til í að prófa hinar ýmsu gerðir af “skottum” sem félagar hans í skóginum mæla með. Og þetta er bara brot af þeim skemmtilegheitum og ævintýrum sem bíða kvikmyndahúsagesta, en óhætt er að fullyrða að hinir fullorðnu eigi eftir að skemmta sér jafn vel og yngri kynslóðirnar yfir uppátækjum Bangsímons og félaga.